2017-10-16 20:15:43

Posjet Grobnišćine

Sredu jutro smo pred školun čekali kurijeru za poć ća. Školani 5.e razreda bili su fanjski nestrpljivi, aš su z učiteljicami Irenun Zubčić i Ivanun Marčelja šli va Kaštel Grobnik na likovnu radionicu i susret z akademsken umjetnikon. Kad smo prišli pred Kaštel dočekal nas je hrvatski umjetnik Zvonimir Kamenar. Pokazal nan je kiparska djela ka su postavljena pred Kaštelon i objasnil kako su nastala i ku poruku umjetnine imaju.
Nakon predavanja i razgledavanja skulptur, uputili smo se va likovnu radionicu na koj smo risali i delali starinski motivi kameneh vrat od kolaža.
Bilo nan je zabavno i veselo, a se smo to i poslikali z aparaton za uspomenu.
Naši domaćini z Katedre čakavskega sabora Grobnišćine, gospa Vlasta i gospodin Vinko, počastili su nas z krafnami i soki, a uživali smo i va prekrasnen sunce ko nas je celi dan pratilo.
Vreme va Grobničken kraje nan je brzo pasalo, pa je rabilo vaje krenut doma prema našoj škole.
Bilo nan je žal ča napušćamo našu lepu Grobnišćinu. Nadamo se da ćemo prit i uživat i kletu!
                                                  Fotogalerija

Nika Petovar Beletić i Meri Gibičar, 5.e


Osnovna škola "Sveti Matej" Viškovo